Pamjet virale/ Ja si dukej Soni Malaj disa vite më parë

Soni Malaj është kthyer në qendër të vëmendjes në rrjetet sociale, vetëm një hap larg finales së madhe të spektaklit “Ferma VIP”, e cila pritet të mbahet mbrëmjen e 15 qershorit.

Shkak për këtë janë bërë disa pamje të vjetra të këngëtares që datojnë rreth 13 vite më parë, të cilat kanë qarkulluar së fundmi duke nxitur diskutime rreth ndryshimeve në pamjen e saj ndër vite.

Nëse bëhet një krahasim i detajuar i imazheve të hershme me ato të kohëve të fundit, dallimet në portretin e saj janë të dukshme. Në fotot e kaluara vihet re një strukturë më natyrale e hundës dhe e gjithë portretit, ndërsa sot këngëtarja shfaqet me një profil më ndryshe, mollëza më të ngritura dhe një hundë më të holluar.

Ndryshime shihen edhe në volumin e buzëve, formën e vetullave dhe stilin e grimimit, duke i dhënë asaj një pamje më moderne dhe të kuruar sipas trendeve aktuale.

Përtej diskutimeve për anën estetike, rrugëtimi i Soni Malajt në këtë reality show ka sjellë në vëmendje edhe detaje nga jeta e saj personale. Gjatë qëndrimit në fermë, këngëtarja mori një surprizë të veçantë kur qielli mbi ambientet e programit u ndriçua nga 300 drona që formonin figura dhe mesazhe drite.

Ndonëse dhurata mbërriti në mënyrë anonime, ndjekësit dhe mediat aluduan menjëherë se pas këtij gjesti qëndronte ish-partneri i saj, kantautori Flori Mumajesi. Dyshimet u konfirmuan më vonë nga vetë këngëtarja brenda shtëpisë.

Gjatë një bisede me Moza Ahmetin, Soni tregoi se produksioni ia kishte zbuluar emrin e personit që fshihej pas dronave, duke konfirmuar zyrtarisht se bëhej fjalë për Flori Mumajesin. Ky gjest erdhi pasi Soni kishte shprehur më herët me batutë live në emision dëshirën që ai t’i dërgonte një dron në fermë.