Pamje të rënda nga aksidenti fatal pranë TEG-ut

Kanë dalë në dritë regjistrimet filmike të një ngjarjeje tragjike rrugore në afërsi të TEG-ut, e cila rezultoi me dy viktima.

Në videon e bërë publike dallohet qartë momenti kur mjeti i rëndë, duke lëvizur me një shpejtësi marramendëse që kapërcen çdo limit ligjor, del nga korsia e tij dhe godet makinën tip Audi.

Forca e madhe e goditjes bëri që betonierja të shkatërrojë barrierat anësore dhe të bjerë drejt e në nënkalim, duke dëmtuar rëndë edhe mjete të tjera që ndodheshin aty.

Si pasojë e këtij përplasjeje fatale, humbën jetën dy shtetas egjiptianë, 30-vjeçari Mohamed Lotf, i cili ishte në timon, dhe pasagjeri 44-vjeçar, Mohamed Ali.

Drejtuesi i fuoristradës Audi, 28-vjeçari Roland Nuri, u dëmtua seriozisht dhe u dërgua menjëherë për ndihmë mjekësore.

Fatmirësisht, informacione të konfirmuara bëjnë të ditur se ai ndodhet jashtë rrezikut për jetën.