Lajm tronditës dhe trishtues! Mbyll sytë akademiku i njohur shqiptar

Në moshën 89-vjeçare është shuar akademik Emin Riza, një prej figurave më të spikatura në studimin e arkitekturës popullore dhe trashëgimisë kulturore në vendin tonë.

Institucionet akademike dhe komuniteti i studiuesve ndajnë dhimbjen e thellë për këtë humbje të madhe, duke u përcjellë ngushëllimet më të sinqerta familjarëve, bashkëpunëtorëve të ngushtë dhe gjithë atyre që e kanë njohur akademikun gjatë karrierës së tij.

Emin Riza, i cili erdhi në jetë më 3 korrik 1937 në qytetin e Shkodrës, la pas një trashëgimi të vyer pas një përvoje shumëvjeçare si pedagog dhe specialist në Institutin e Monumenteve të Kulturës, duke luajtur një rol kyç në mbrojtjen dhe promovimin e vlerave materiale shqiptare.

Puna e tij kërkimore përfshin 16 monografi, ku pesë prej tyre janë hartuar në bashkëpunim, si dhe 134 studime të botuara në periodikë prestigjiozë shkencorë, si “Studia Albanica”, “Arkitektura popullore shqiptare” dhe “Monumentet”, përmes të cilave ai ndriçoi tipologjitë e banesave popullore, detajet konstruktive dhe trashëgiminë urbane të qendrave historike.