Tragjedi në Himarë: Humb jetën elektriçisti gjatë riparimit të defektit pas stuhisë

Më datë 22 korrik 2026, në qytetin e Himarës, një punonjës i OSHEE-së ndërroi jetë tragjikisht teksa ishte duke punuar për të riparuar dëmet në rrjetin elektrik, të shkaktuara nga moti i keq që goditi rajonin.

Për shkak të erërave të fuqishme dhe reshjeve, rrjeti elektrik pësoi avari të shumta, çka e detyroi ekipin teknik të operonte në terren për rikthimin e furnizimit. I ndjeri ishte një 55-vjeçar nga Elbasani, i angazhuar si forcë shtesë për të ndihmuar punonjësit vendas të OSHEE-së në normalizimin e situatës.

Aksidenti ndodhi kur 55-vjeçari, i cili ishte ngjitur në shtyllën elektrike për të rregulluar një kabull, humbi ekuilibrin pas shkëputjes së rripit të sigurimit që e mbante të lidhur.

Rënia nga një lartësi prej 9 metrash rezultoi fatale për jetën e tij.

Aktualisht, skuadrat e operatorit mbeten në terren për të përfunduar riparimet dhe për të siguruar rikthimin e plotë të energjisë në zonat që u prekën nga stuhia.