Gafa e Arbanës në Ferma VIP që detyroi produksionin të ndryshojë vendimin!

Mbrëmja e djeshme e spektaklit “Ferma VIP” u shoqërua me shumë aludime, lidhur me procesin e përzgjedhjes së konkurrentëve për fazën finale.

Githçka nisi nga një metodë e zgjedhur prej produksionit, e cila konsistonte në një provë simbolike ku përfshihej lëvizja e një kafshe brenda rrethimit, për të përcaktuar dy emrat që do të shkonin në televotim kokë më kokë për vendin e finalistit.

Sipas pamjeve të transmetuara gjatë emisionit live, delja e përdorur për këtë provë u afrua fillimisht pranë Bujakës dhe më pas drejt Visit.

Mirëpo, gjatë komunikimit të drejtpërdrejtë me shtëpinë, moderatorja Arbana Osmani deklaroi se dy të përzgjedhurit zyrtarë ishin Visi dhe Iliri. Ky njoftim shkaktoi konfuzion të menjëhershëm si tek banorët brenda fermës, ashtu edhe tek audienca që po ndiqte transmetimin.

Pas kësaj deklarate, disa prej konkurrentëve shprehën kundërshtime të hapura ndaj vendimit të komunikuar nga moderatorja. Ata argumentuan se kafsha nuk kishte qëndruar vetëm pranë Visit, por kishte shkuar fillimisht te Bujaka dhe në një moment tjetër kishte kaluar edhe pranë Sonit, çka ngriti dyshime mbi saktësinë e interpretimit të provës në studio.

Për shkak të debateve që zgjatën për disa minuta dhe insistimit të banorëve, produksioni u detyrua të ndërpresë përkohësisht rrjedhën e programit për të rishikuar me imtësi pamjet filmike të regjistruara.

Pas verifikimit të videos në kohë reale, u konstatua gabimi në deklaratën fillestare dhe u vendos që formula të ndryshonte, duke dërguar në televotim tre banorë: Bujakën, Visin dhe Ilirin.

Ky ndryshim i menjëhershëm i vendimit u komentua gjerësisht edhe në rrjetet sociale nga ndjekësit e formatit.