Pas Olës vjen dhe reagimi i Adit, ja kë sheh ai fitues të padiskutueshëm të Ferma VIP 3! E prisnit?

Gara brenda formatit televiziv Ferma VIP 3 po shkon drejt fazës finale, duke nxitur reagime të shumta jo vetëm nga publiku i thjeshtë, por edhe nga vetë personazhet që kanë qenë pjesë e këtij rrugëtimi.

Adion Puka ka shprehur publikisht mbështetjen e tij për aktorin Elvis Pupa. Përmes një postimi në profilin e tij në Instagram, ai ka ndarë një video të aktorit brenda ambienteve të fermës, duke bërë të qartë se cilin sheh si fituesin e këtij edicioni.

Në mesazhin e tij shoqërues, Adioni shkruan: “Askush se meriton fitoren më shumë se ti kampion”.

Kjo lëvizje e Adion Pukës vjen menjëherë pas një reagimi të ngjashëm nga partnerja e tij, Fabiola Elezaj.

Edhe ajo kishte zgjedhur rrjetet sociale për të treguar preferencën e saj për të njëjtin konkurrent, çka tregon se dyshja ndan të njëjtin mendim sa i përket zhvillimeve dhe rrugëtimit të personazheve brenda formatit televiziv.