Historia mes dy ish-konkurrentëve të “Ferma VIP”, Vanesa Sono dhe Indrit Shiroka , po vijon të ketë zhvillime edhe pas përfundimit të rrugëtimit të tyre televiziv.
I ftuar së fundmi në emisionin “Mes’dritë” në Vizion Plus, Indri ka zbuluar për herë të parë se ka tentuar të vendosë kontakt me Vanesën për të sqaruar situatën mes tyre.
Gjatë kësaj interviste, ai pranoi publikisht se i ka dërguar një mesazh këngëtares me dëshirën për t’u takuar, mirëpo ka hasur në heshtjen e saj:
“I kam shkruar një mesazh Vanesës. Kisha dashur që ta takoja dhe për ta sqaruar, por nuk m’u përgjigj”.
Lexo edhe
Ky veprim i Indrit vjen pas vendimit të tij drastik për t’u ndarë nga Vanesa përmes një letre të bërë publike gjatë një nate Prime, moment të cilin Vanesa zgjodhi ta refuzonte duke mos qenë e presente në studio.
Së fundmi, ajo paralajmëroi edhe një projekt të ri muzikor, vargjet e të cilit u komentuan gjerësisht nga ndjekësit si një dedikim i pastër ndaj zhgënjimit që pësoi nga kjo histori.
