Selin paska qenë pjesë e BBVA 2 dhe ne sapo e zbuluam (Video)

Një video e vjetër e publikuar së fundmi në platformën TikTok po bën xhiron e rrjetit, duke rikthyer vëmendjen tek rrugëtimi i jashtëzakonshëm i Selin Bollatit, një prej banoreve më të komentuara të “Big Brother VIP Albania 5”.

Në pamjet e bëra virale, Selin shfaqet duke kërcyer gjatë natës finale të “Big Brother VIP Albania 2”.

Në atë kohë, ajo ishte e angazhuar thjesht si figurante në trupën e baletit, duke performuar në prapavijë gjatë një surprize të organizuar nga produksioni për finalistët.

Sot, pa u mbushur ende tre vite nga ajo natë, situata ka ndryshuar rrënjësisht. Selin nuk është më një balerinë në sfond, por është kthyer në një nga protagonistet të këtij edicioni.

https://streamable.com/lxpt6c

Me karizmën, strategjinë dhe dinamikat e forta që ka krijuar brenda shtëpisë, ajo jo vetëm që ka tërhequr vëmendjen e plotë të publikut, por po shihet nga shumë ndjekës si një nga pretendentet kryesore për të rrëmbyer çmimin e madh.